Azü jaja aser Küra jaja

Semchir : Obou… Azü jaja aser Kura jaja ta nenok tantsür-tamburi jembiba tetezü ya kechi’ar nai jungjunga rateta shiangjo…???
Alokba : Ena semchirtem… Azü-i khen tashi ajak agi temeli sakteter asemjen asemtsü, aserbo ano oda kecha masu amai pa anen-nudak ka anener mejanga kazütsü…. saka Kura-ibo meilungi tanem tanemi jajayonga apusobaji pa tatongtsü tesem ka matong tashi khen-a maneni jajapet jajatsü…anungji meilungi jajayongji-a Azü o Kura na asemtep nungbo ,Kura-i takok angutsü adii…
Semchi : Obou…surabangla iba tetezüji kechi komala nung jembir’ar rasa-a shiangma ?
Alokba : Ena… nisung kari azü jaja amaji pai ashiba, pai metetba aser pa akaba ajunga kheni tokzüka sayutsü, mesura khenyongi kecha tatitak makai tashi ajak agi takok asa-a inyak-a apusotsü….Saka ano nisung kari Kura jaja amaji aika shia meteta liaka kecha mashi memetet ama, aser kecha maka amai tanem tanemi tang inyaktsü, aser item nisung jagi tang takokjibo angur ako-dii……. Shirnoki kanga aritepa tashitemetet shisang-shisanga, aser taka-tait shisang-shisanga khenyongi tashi ajunga agi apusor, parnokji yakta metsüdaker alanger ako… khen takok angur amai asuyongji-a tatsüka orr alanga-adoktsü ta adii…

Lilir : L. Kika Pongener, Aoyimküm, Dimapur.