Azü terben den timba tenlar nem Medical department-i kulikaket agütsü

Dimapur, March 16 (TYO): Wadang balala nungi nisung pezüi azü terben den tali tenlaba atema Medical department-i par pezü mapa tajung ajiteta sentong ka ayongzüka tenüngsang agütsüogo.
District Hospital Dimapur nung sentong ka ayongzüka agidang, Principal Director, Dr. A. Sukhato A Sema-i azü tenlar nem tenüngsang agütsü aser maneni taküm kümzüktsü atema mapa inyaktsü ajungshi.
Dr. A. Sukhato-isa par pezü nem kulikaket agütsüogo.
Sentong nung Blood Bank incharge, Dr. Temsu-ia azü tenlar dang pelaba metetdaktsü aser paisa azü tenlartem dang licenced bank nung dang agütsütsü aser azü tenlaba sülen kulikaket den donor card meshitsü metetdaktsü.
Azü tenlartemji- Appu Roy, medical representative (14 ben), Satish Kumar, businessman (12 ben), Kamdi Hemant, IFoS (10 ben) aser Thsipise Sangtam, Pastor (10 ben) nunger lir.