Azüngtsü memetetertemi kodaser E-banking amshitettsü: Sisodia

New Delhi, November 27 (Agencies): Deobarnü Aam Aadmi Party (AAP) lenir aser Delhi Deputy Chief Minister, Manish Sisodia-i Ato kilonser, Narendra Modi dang, aayangar aser aluyimer million aikati azüngtsü aser zülutsü memetet, anungji parnoki kodaser electronic mesüra mobile banking amshitettsü, ta asüngdang.
Sisodia-i twitter ajanga, “M-banking/e-banking jisa tajungtiba. Saka kodaser nai (Modi) azüngtsü aser zülutsü memeteter aluyimer aser aayanger million aika dang ibaji amshitsü rongshir?” ta asüngdang.
Sisodia-isa Modi dang, ner MP tem aser Secretary tem kwikati mobile banking/e-banking amshir’ar ibaji tama jangjatsüla, ta ashi.
Tanep Uttar Pradesh nung Ato kilonser Modi-i nüburtem dang transaction atema sen cash mamshii e-banking aser mobile banking amshitsü ajungshia liasü, aser iba dak sentakba nung AAP leniri item o jembiogo.
“Modi! Ner sorkar nung ibaji (E-banking) amshir secretary 100 danga ali asü? Melira kechiba aluyimertem, aayangertem, aser shishilembar million aika dang ibaji amshitsü kangshia rongshir?” ta Sisodia-isa asüngdang.