B.Ed. magirtem JEO/ AHM jenjang nung majungkettsü

Dimapur, March 18 (TYO) : March 11, 2017 nü JEO/AHM jenjang nung ajungketba Graduate Teacher kar ket nung B.Ed. azüngba kulikaket mali ta osang angazükogo, anungji tanga tetuyuba ka magütsü tashi, nenok tang lemzüka aliba tesem nung Graduate Teacher ama dang alitsü metetdaktsür, ta Principal Secretary to the Govt. of Nagaland, F.P. Solo-i sangdong ka nung ashi.
Maneni, JEO/AHM atema shimba nübotemi, March 31, 2017 matongdang Addl. Director (HOD), Directorate of School Education nung nenok indang B.Ed. certificate agütsütsü metetdaktsür, aser iba kulikaket magütsürtem dang nungi promotion agientsü, ta F.P. Solo-isa metetdaktsüogo.