B-Squad-i takok angu; Fusion o Elation aser Walunir o Arrjusanger na draw nung tembang

Dimapur, October 10 (TYO): 21 buba MDFA asayamong anogo 5 buba, tanü Honibar nü B-Squad Football Club-i takok angu saka Fusion FC o Elation SA aser Walunir Ritsung Artang o Arrjusanger Football Club telok na asaya draw nung tembanga liasü.
Tanü mezüngbuba asaya nung Changtoshi Laomu-i par Elation telok asoshi goal 1 agüja par telok temaba jenjang nung ajungkettsü saka Lanu Longkumer-i asaya tenzüker minute 17 buba nung goal meyiptsüba yong par telok anaprongla kasa jenjang aküm.
Tesülen, par telok anapronglai goal kata magütsütetba yong par asaya draw nung tembang.
Tanabuba asaya nunga Arrjusanger aser Walunir telok napronglai atazüktsüba asaya mapang tembang tashi nung goal kata magütsütetba yong par asayaa goal 0-0 draw nung tembanga liasü.
Ajisüaka, B-Squad teloki goal 1-0 agi Youngster’s FC telok madak tasembuba asaya koka liasü.
Tanü asaya nung Wokha District Football Association (WDFA) aser Wokha Business Association (WBA) züngsemtemi semdanga Mokokchung District Football Association (MDFA) telok den sensak asemba osanga jangjaogo.
October 12 nü nikongdang 1:00 ako nungi tenzüka asaya yamai alitsü:
1st Match – Shooting Starz F/C Vs OCYU
2nd Match – Sports Society Suyim Vs Dilong Youth Association