B-Town-i Urmila Matondkar kibong akümba tepela salem lemsateper

Mumbai, March 4, 2016 : Bollywood nung züngsemtem aika den Rishi Kapoor aser Anupam Kher na dena Bollywood film “Masoom” nung shilem agila, actress Urmila Matondkar den la kibong akümba tepela salem lemsatepogo.

Urmila-i la Kashmir nung alir businessman aser model Mohsin Akhtar Mir den kibong akümba osang ashidang Bollywood telok kanga aoksatepa liasü.

Arishi küm 42 tain, Urmila aser Mohsin Akhtar Mir na Brihostibarnü kiyimba sentong nung la indang designer, Manish Malhotra den lar kinüngertem ang aden.

Tena kiyimbba sentongji Urmila’er kidang Hidu tamangba yimsü nung agi.

B-Town actor temi social media ajanga Urmila dang ‘kibong akümer rongnung tobur tajungtila’ ta tenüng agütsüogo.