‘Baaghi’ film-i mezüngnü sen crore 11.87 aatetogo

Mumbai, April 30, 2016 : Sabbir Khan-i direct asüba “Baaghi” film-i India nung mezüng sayunü sen crore 11.87 aatetogo.
Trade analyst Komal Nahta-i, “#Baaghi film agi mezüngnü sen crore 11.87 aatetogo. 2016 küm sodi masüba anogo ka nung film mezüng sayunü sen timtiba aatetbaji iba film ya lir!” ta twitter ajanga metetdaktsü.
“Baaghi” film ajanga bendanglen-a sen aika aatetdar. Brihostibarnü iba film screen 66 nung sayuba mapang, Gulf box office nung sen dollar 232,000 shi aatetogo, ta sangdong ka ajanga metetdaktsü.
Sajid Nadiadwala-i produce asüba film ajanga tsükchir ana tembar tajungtiba akümba otsü sayur.
Film nung Tiger Shroff, Shraddha Kapoor aser Telugu star Sudheer Babu nungeri tongti shilem agia lir.