‘Baaghi’ film sayar mezüng hopta nung sen crore 60 aaogo

Mumbai, May 6, 2016 : Bollywood film actor Tiger Shroff aser Shraddha Kapoor nati tongti shilem agiba “Baaghi” romantic film sayar mezüng hopta tsüngda box office nung sen crore 59.72 aaogo.
April 29, 2016 nü sayaba film ya Sabbir Khan-i direct asüba lir.
Baaghi film sayar mezüng Honibar tashi nung sen crore 38.58 aatet aser sodi masüba anogotem nunga sen aaba ajema mekümi screen tila aser tulu ajak nung nüburtemi kanga sapua reprangtepdar.
Sen crore 59.72 aatetba ajanga iba film ya 2016 küm sayaba film tem rongnung mezüng hopta nung sen timtiba aateter jenjang tasembuba nung lir, ta trade analyst Taran Adarsh-i ashi.
“Baaghi film ajanga mezüng hopta nung kanga junga aatetogo….2016 küm sayaba Hindi film tem rongnung jenjang tasembuba nung lir,” ta Hokolbarnü Adarsh-i twitter ajanga metetdaktsü.
“2016 küm sayaba Hindi film tem ajanga sayar mezüng hopta nung sen aatetba tarensen yamai: ‘Airlift’: Rs.83.50 crore, ‘Fan’: Rs.71.50 crore, ‘Baaghi’: Rs.59.72 crore, ‘Kapoor And Sons’: Rs.46.93 crore, ‘Ki And Ka’: Rs.37.57 crore aser ‘Neerja’ Rs.35.32 crore,” ta pai lemsatep.
“Baaghi” ya  “Heropanti” film sülenbo Tiger Shroff-i shilem agiba tanabuba film lir.
Iba film nung Sudheer Babu aser Sunil Grover nungeria shilem agia lir.