Baahubali film agi sen crore 500 aatetogo

Hyderabad, August 06 (Agencies): SS Rajamouli meyong blockbuster film Baahubali, July 10 nü sayaba nungi tenzüker tang tashi nung sen crore 500 aatetogo, ta film nung ketdangsertemi sangdong ka ajanga metetdaktsüogo.
Baahubali film nung Prabhas aser Rana Daggubati nati tongti shilem agia lir aser iba film ya Telugu, Tamil, Hindi aser Malayalam oshitem nung screen 4,000 nung sayaogo.
Kasa film nung Ramya Krishna, Anushka Shetty aser Tamannaah nungera tongti shilem kar agia lir. Iba den külemi linük nung sen timba intoka yangluba film rongnung iba film yaa ka lir ta jembir. Film yangludang sen crore 200 tashi intoka liasü, ta osang kar ajanga ashi.
Iba film ya tereprangtsü kanga junga yanglutetba atema nüburtemi tenüngsang agütsüogo. Baahubali ya action drama film ka lir aser küm asem tashi nungang iba film ya renemtet. Aji oda süaka ano iba film indang tanabuba shilema sangküm sayatsü sentong lir.
Iba fim nung Karan Johar-i Hindi oshi enok aser nüngtugu film actor Amitabh Bachchan den actor tejen aikati iba film sanga shiogo.
Iba film yanglurtemi kanga bendanga agüja inyakba atema Shah Rukh Khan-i tenüngsanga shiogo.