‘Baahubali’ Rs.300 crore club nung züngsemogo

Chennai, July 19 (Agencies) : S.S. Rajamouli-i direct asüba film “Baahubali” ajanga otsü tasen ka yangluogo aser ibaji South Indian film kati anogo 9 tsüngda Rs.300 crore club nung densemba asütsü.
“Baahubali” ajanga Rajinikanth’er “Enthiran” ajatetogo. Enthiran film ajanga box office nung sen crore 290 aazüka liasü.
Honibar tashi nung “Baahubali” ajanga Rs.303 crore aazükogo, ta trade analyst Trinath-i metetdaktsü.
“Hindi oshi nung yangluba film ajanga sen crore 50 tema aazük. ‘Bajrangi Bhaijaan’ film sayaogo saka iba ajanga ‘Baahubali’ jenjang meraksa lir” ta paisa ashi.
Adianu ana yimli ka atema raraba film nung Prabhas, Rana Daggubati, Anushka Shetty aser Tamannaah Bhatia nungertemi shilem agir.
Iba film tanabubaji sangküm sayatsü aser film yangluba nung sen crore 250 endok.