Bacardi NH7 Weekender sentong Shillong nungi tenzüktsü

July 21, 2016 : Bacardi NH7 Weekender kenten benjung sentong 7buba Shillong nungisa tenzüka akatsü. Iba benjung nung Bacardi NH7 Weekender Express aser Bacardi NH7 Weekender House Parties na ya taküm atema tebendenlokba tasentemji asütsü.
Shillong nung iba benjung ya yaküm mezüng amung.
Iba benjung ya Shillong nung October 21 aser 22 anogotem nung agia tenzüktsü aser Hyderabad nung tan mezüngsüa November 5 nungi 6 tashi amungtsü. Iba sülen Pune nung December 2 nungi 4 tashi amungtsü.
Tanga yimtitem nung alir iba sentong meimertem pelateptsü mapang tongogo kechiba süra BACARDÍ NH7 Weekender Express ya Kolkata, Jaipur, Pondicherry, Nagpur aser Mysore nunga amungtsü sentong lir.
Linük nung Bacardi NH7 Weekender sentong nung ken tapu balala atenertemi shilem agiba ajanga iba sentong ano tali jangja akümtsü.
August ita nungi tenzüka iba sentong sapurtemi pei Bacardi NH7 Weekender House Party ayonga akatsü atema maongka angutsü. Iba sentong 100 shi ayonga amungtsü melatsü.
Iba sentong puratetter tem aser Stage42 teloki teshimtet telok kar nem Weekender party ayonga akatsü maongka agütsütsü.
2010 küm nungi tenzüka küm shia ken tapu balala atenertemi iba sentong nung shilem agia arudagi.
2015 sentong nung India nunger kentener international nung kanga nüngutugu akümsang, A. R Rahman den Mark Ronson, Megadeth, The Raghu Dixit Project, NUCLEYA aser Bhayanak Maut nungeri shilem agia liasü.