Backstreet Boys nung kentener Nick Carter police-i apu

January 14, 2016: Backstreet Boys nung kentener Nick Carter, Key West, Florida nung Bodhbar anonung police-i pua yua lir, ta Monroe County Detention Center osang ka ajanga ashi.

Pa ya kechi atema apu’ar ano osang tejangja kecha memetetdaktsü saka pa Hog indang Breath Saloon nung lia apu, ta ashi.

Iba tesem nung manager-i, tesem nung Carter liasü asü masü’ar meshitet, ta Access Hollywood dang ashi.

Carter apuba ya tan mezüng masü. 2002 küma Tampa nung nightclub ka senshiba mapang pa pua liasü.

Ano 2005 küma Carter-i yi jemer gari aniba asoshi taitok meshia liasü aser iba dak sentakba nung pa ita asem asoshi yi ajemba azükdak tesem nung ayu.

Arishi küm 35 tain, Carter ya kinüngtsü Lauren Kitt den mezüng tanur asostsü ataba mapang ka lir. La mashisa akümba ya tenati November ita nung sangdonga liasü.