Backward tribe 6 kaketshirtem nem special grants agütsütsü

Kohima, June 30 (TYO): Department of Underdeveloped Areas (DUDA)-i backward tribe trok- Chang, Khiamniungan, Konyak, Phom, Sangtam aser Yimchungru nungi Tuensang, Mon, Longleng aser Kiphire nung aliba tsüraburtem aser school tem nungi 2016 HSLC tatidang nung takok angur kaketshirtem nem special grants agütsütsü, ta Underdeveloped Areas, Nagaland, Kohima Director, K.S. Anden Konyak-i sangdong ka ajanga metetdaktsü.
Iba scheme ya lajartem, aluyimer chirnurtem mesüra sensak kibong nungi kaketshirtem atema dang lir. Iba den külemi state sorkar mapa nung fixed pay mesüra work charge employee chirtemia iba teyari atema tenüng agütsütsü akok.
Iba dak alia tatidang nung minimum mark 55% ser tema angurtemia tenüng agütsüttetsü.
Iba teyari atema form ji Kohima DC office anasa aliba Directorate of Underdeveloped Areas (DUDA), Nagaland, Kohima nungi agizüktsü akok.
Directorate nung form agütsütsü (submit) atema tatembangbuba anogoji August 12, 2016 nü lir.