Badminton Asia: India’er tebur telok semifinal-i iogo

New Delhi, February 19 (Agencies): India’er tebur badminton teloki Malaysia telok madak points 3-2 agi takok ngua tang tasayadak 2016 Badminton Asia Team Championship semifinal asayatsü jenjang tanü, Hokolbar nü nguogo.
HS Prannoy-i Malaysia nunger Tech Zhi Soo madak takok anguba yong par India teloki quarterfinal asayaji koka semifinal asayatsü jenjang angu.
Tanü asaya nung Srikanth Kidambi-i points 21-14, 21-15 agi Malaysia nunger Zulfadli Zulkiffli tsükdakja India temaba jenjang nung ajungkettsü.
Manu Attri aser Sumeet Reddy natia points 10-21, 22-20, 21-16 agi Malaysia nunger Shen Low-Kiang Meng Tan na madak takok ngua India nem temaba jenjang ngudaktsü.
Ajisüaka, Iskandar Zulkarnain Zainuddin-i ghonda ka tsüngda nung Ajay Jayaram tsükdaktsüba yong par Malaysia telok jenjang tajungba kümdaktsü.
Yew Sin Ong aser Ee Yi Tieo nati points 21-14, 14-21, 21-12 agi Pranaav Jerry Chopra aser Akshay Dewalker na madak takok anguba yong par Malaysia aser India naprongla points 2-2 küma kasa jenjang kümdaktsü.
Tesülen, Prannoy-i points 21-12, 22-20 ngua takok anguba yong par India teloki points 3-2 agi Malaysia telok madak takok angu.
Yashi, Brehostibar nüa China telok madak points 3-2 agi takok angur, India teloki Indonesia den asüng, Honibar nü semifinal asayatsü.
Ano külen, South Korea telokia Japan den tanabuba semifinal asüngsa asayatsü renema lir.