Badminton Sr Nationals nung Sindhu, Srikanth nungeri shilem agitsü

Nagpur, November 1 (Agencies): Taruba Senior National Badminton Championship koba Brehostibarnü nungi tenzüktsüba lir, iba asayamung nung India nunger nüngtugu badminton asayar K Srikanth, P V Sindhu aser Saina Nehwal nunger dena shilem agiba angutsü.
Olympic nung medal ngur alila ana Sindhu aser Saina na den Srikanth dena iba asayamung nung shilem agiba angutsü, shibai tawa Super Series title pezübuba koktetogo.
Teburtem kicha asaya nung asayartem rongnungi iba asayamung Shrikanth-i akoktsü imlar. Kasa mapang nung tetsür kicha asaya nung Saina o Sindhu na round ka nungbo ajuruteptsü imlar, koba fan tem atema tetibo majangshiba asaya ka asütsü.
Iba asayamung nung shilem agitsüpur tang nüngtugu asayartem rongnung H S Prannoy, Ajay Jayaram, Sai Praneeth B, Sameer Verma, Sourabh Verma, Parupalli Kashyap aser Danial Farid nunger tebur kicha asaya nung shilem agiba angutsü aser Rituparna Das o Anura Prabhudesai na tetsür kicha asaya nung shilem angutsü.
Iba asayamung nung state 29 aser union territories 2 nungi asayar 400 dak temai shilem agiba angutsü. Srikanth, Prannoy, Jayaram, Sai Praneeth, Verma brothers, Kashyap aser Farid nunger nem tebur kicha asaya nung pre- quarterfinals nungi indang indanga asayatsüba atema maongka agütsüogo. Kasaji Sindhu, Saina, Rituparna aser Anura nungera tetsür kicha asaya nung pre-quarterfinals nungia asayaba angutsü.
Tebur tarep asaya nung Satwiksairaj Rankireddy/Chirag Shetty, Manu Attri/Reddy B, Arjun M R/Ramchandran Shlok aser BAI ranking nung temaba ana nem kasa maongka agüja parnoka quarterfinals nungiang asayatsü. Tetsür tarep asaya nung Ashwini Ponnappa/Reddy N Sikki, Sanjana Santosh/Arathi Sara Sunil, Jakkampudi Meghana/S Ram Poorvisha aser BAI ranking nung temaba jenjang nung tembangba terep ana nem quarterfinals nungi asayatsü asoshi maongka agütsüogo.
Tarep temeyoktep asaya nung Pranaav Jerry Chopra/Reddy N Sikki, Reddy B Sumeeth/Ashwini Ponnappa nungera Quarterfinal nungiang asayatsü.
Iba asayamung 82 buba edition koba November 8 tashi Mankapur, Divisional Sports Complex nung asayatsü ali, iba ya Badminton Association of India aser Maharashtra Badminton Association-i achaayanga asayatsü.
Iba asayamung nung event pongu alitsü; tebur tetsür kicha asaya, tebur tetsür tarep asaya aser tarep temeyoktep asaya. Iba asayamung nung senpet ajak senteper sen lakh 60 agütsütsü. Tebur tetsür aser tarep asaya nung takoker nem lakh anana agütsütsü aser tanabuba jenjang nung tembangertem nem lakh 1.5 agütsütsü.