‘Badrinath Ki Dulhania’ film-i India nung sen crore 100 aazüka lir

Mumbai, March 24 (Agencies): Alia Bhatt aser Varun Dhawan nati tongti shilem agiba ‘Badrinath Ki Dulhania’ film ajanga India nung sen crore 100 aazüka lir.
Iba film ya Shashank Khaitan-i direct asü aser iba film ya March 10 nung saya. Iba film ajanga Brehostibarnü tashi nung sen crore 100.74 aazüka lir, ta osang ka sangdonga lir.
Iba film ya Karan Johar indang Dharma Production ajanga yanglu aser pai-a nüburtem dang pelaba Twitter ajanga lemsa.
2017 küm Bollywood film ajanga sen crore 100 tema aazükba rongnung ‘Badrinath Ki Dulhania’ film ya pezübuba jenjang nung lir. Shah Rukh Khan indang ‘Raees’ film-i sen crore 137.51, Hrithik Roshan indang ‘Kaabil’ film-i sen crore 103.84 aser Akshay Kumar indang ‘Jolly LLB 2’ film ajanga sen crore 116.92 aazüka lir. Jolly LLB 2 film sayar hobta trok nung iba sen ya aazük aser iba film ya nüburtemi kanga sabua maneni repranger.
Varun indang film-i sen crore 100 aazükba ya ‘ABCD 2’, ‘Dilwale’ aser ‘Badrinath Ki Dulhania’ lir aser Alia indang film ajanga sen crore 100 aazükba film ji ‘2 States’ aser tang aliba ‘Badrinath Ki Dulhania’ film ya lir.
Alia Bhatt aser Varun Dhawan na külemi ‘Student of The Year’ aser ‘Humpty Sharma Ki Dulhania’ film nung tongti shilem agia lir.