Baghdad nung 7 pokset; 23 shi yiru

Baghdad, October 26 (Agencies): Peisasa pokseta asütsü mulungteter kiralongrar kati pa temang nung alenokba bomb tesashi ka Baghdad yimti anüdoklentip tsütsü tanü Hombar nü pokdaktsüba osang ka police-i metetdaktsüogo.

Alima ajunga nung Shi’ite Muslim nisungtemi AD 680 nung Prophet Mohammad’er semchir, Hussein tepsetba bilemteta amongba temeshi anogo, Ashura den sentakba yimdongsüa jajaba sentong nung shilem agir rong nung tanü bomb-ji pokdaktsü ta parnoki ashi.

“Tanü lendong nung nisung 7 poksetba aser parnok 23 shi yiruba osang tang tashi nung jangjaogo,” ta Iraq Interior Ministry-i osang jangjashitsü.

Tanü lendong atalokdaktsüba atema telok shingaia tang tashi nung tenüng agia metetdakja mali saka tanü lendongji Islamic State (IS) telok mapa asütsü akok ta police ketdangsertemi temulung malemba olen ka metetdaktsüogo.