Baghdad nung nisung 130 pokset

Deobarnü Karrada, Baghdad shishilembadak taküm bendanga agütsürtemi gari nung tapoktsü pokdaktsüba tesem nung nisungtem adenshiba abelen noksa nung angur.Achiji noksa nung Iraq nunger aser firefighter temi tasümang belentetba angur.

Baghdad, July 03 (Agencies) : Pei taküm bendanga agütsürtemi gari ana nung tapoktsü pokdaktsüba ajanga Iraq yimtiba Baghdad shishilembaba tesemtem nung nisung 130 pokset aser nisung 130 shi yiru, ta Deobarnü ketdangsertemi ashi.
Lendong ana rongnung ka Karrada-Dakhil district nung atalok. Taküm bendanga agütsür gari nung tapoktsü pokdaktsüsang jagi nisung telok tulu aliba Baghdad tiyong nung iba lendong agütsü,  ta Xinhua news agency aser tanga osangbenertemi ashi.
Muslim tamangertem Eid ul-Fitr benjung atema kibong renemshiba mapang ka nung iba tapoktsü tesashi jagi anasa aliba dokan aika nung mi adokdaktsüba den dokan tila aser nija gari aika raksatsü.
Iraq yimtiba Baghdad anüdoklentip tsütsü, Shaab district nung aliba Shallal market nunga ano gari nung tapoktsü tesashi ka pokdaktsüdang nisung pongu pokset, ta osang ajanga ashi.
Iraq Ato Kilonser Haider al-Abadi-i Deobar anepdang Karrada semdang dang item kiralongrartem merenshitsü nangzükogo.
2014 June ita nung Islamic State teloki Iraq anüdoklentip aser anülolen tesem kar agiba ajanga Iraq nung tang azü kanga tokshitepa animesüngzüktetba tensa ka nung lir.