Manama, January 15 (Agencies) : Arab linük nung küm ter sülen tan mezüngsüa Deobarnü Bahrain, Saudi Arabia nung 2014 küm police asem tepseter parnok nisung asem ozüng kübok khaseta intokogo.
Sami Mushaima (42), Ali Sankice (21) aser Abbas Samee (27) nunger ya 2015 küm aija liasü aser January 15, 2017 nü firing squad-i par asemprong ozüngi tuyuba ama khaseta intokogo, ta Efe osang ajanga metetdaktsü.
Longkak aitba nokdangtsü mechi nung Manama leper nung par asem asüpila sentong nung adentsü asoshi asür kinungertema police tazüokba kübok jaoka liasü kechiba süra ketdangsertemi ashiba agi, Honibar aonung Shia telok jenti aliba jila tezülen checkpost ka amakba mapang police ka yirua liasü.
Taoba hopta temaba okadak kati temepishiba ka magizük. Honibarnü United Nations (UN)-ia parnok asem khaseta meintoktsü shidangogo.
March 2014 nung Sanabis yim amakba mapang police asem tepsetba ken o nung tanü khaseta intokba par asem den United Arab Emirates nungi ketdangser ka dena ano nisung tenet aija tepuokdang puoka lir.
You must be logged in to post a comment Login