‘Bajrangi Bhaijaan’ film director-i Karachi semdanger

April 26, 2016 : ‘Bajrangi Bhaijaan’ film director Kabir Khan tanü Mongulbarnü Karachi-i tongogo.

Ni tzüküm anasa aliba yimti atongba atema kanga pelar. Ni tangang tongli anungji ano yimti lunga mejaja,” ta pai Karachi tongli ashi.

Pai, “Ni Pakistan mezüng semdangbaji ita ishika tejakdang Lahore-i aruba liasü. Ano tan ya Karachi mezüngbuba semdangerba lir aser ni iba tesem kanga sapuatokogo,” ta ashiba Dawn osangkaket ajanga ashi.

“Tesasatsü ka ni iba yimti yagi anogo ka atema dang aruba lir. Ajisüaka ni ano khenbosa iba yimti-i arutsü imlar,” ta pai shisem.

Dawn osang ajanga ashiba agi, Kabir Khan Pakistan-i aoba ajanga celebrity tem ang pa den selfie agitsü mapang tajung ka adok.

Pa ya Pakistan Marketing Association-i küm shia ayonga amongba, shishilembaba mongdang ka nung o jembitsü atema Karachi-i aruba lir.

Dawn osang ajangasa ashiba agi, iba mongdang nung adentsü atemer ni Pakistan-i arutsü maongka nguogo aser tan yagi aruba ajanga teti atema tesentaktep tajung kar yutettsü ni amanger.