Bal Bhavan School nung admission sen 5 dang agir

Guwahati, May 17 (Agencies): Uzanbazar nung Bal Bhavan School ajanga sentong tasen ka asateta lokti nung temelenshi bener arutsüdar.
Iba school nung kaketshirtem admission atema sen 5 dang agir. Admission dak sendakba nung maparen indang asüngdangdang principal-i ashiba agi; “Arishi küm 6 nungi 16 tashi nung kaketshir mashi kati iba school nung parnoki molungba angazüktsü akok.”
Iba school ya ‘recreational centre’ ka lir aser idaki ‘extracurricular activities’; tsüngsang, music, computer, art aser jilushi amala nung tangazükba balala agütsür. Iba school nung tetsür tebur, tamangba yimsü aser caste nung ajemdaker shinga mebendanger. Parnoki school nung Assam tesem ajak nungi tanurtem agizüker aser parnok sempet sayatsü asoshi maongka agütsür.
Bal Bhavan indang nükjidongji sensaker tanurtem nem ‘extracurricular activitie’ agütsütsüba dang masü saka parnok asoshi tangazükdak tesem tajung ka agütsütsü asoshi lir. Iba ajanga tanurtem raksaa aotsü nungi kümzüker. Counsellor tem aser principle-i ashiba agi, tanurtem nem text book ajanga tangazükba balala agütsüba dang masü saka sobaliba aser alimar yimya yimpong balala angazükdaktsür.
Kidang kibong nung mesüngjemteti aser mepelai aliba tanurtem atema achool ya parnok ki ama kümogo. School nung tanurtemi ashiba agi, parnok Bal Bhavan School nung azüngba atema kanga pelar aser tesayurtem sülen takok tashi tashi angaa anidaktsü. Music nung jangraba kaketshirtemi ken aser musical instrument balala yanglu tenzükogo.