Balakot Air Strikes nung shilem agir IAF Pilots nem Award agütsütsü

New Delhi, August 14 (Agencies): Taküm Pakistan nung Jaish-e-Mohammed (JeM) camp ka bomb amshia amakba nung shilem agir IAF pilot pongu nem Vayu Sena medals agütsütsü aser IAF Wing Commander, Abhinandan Varthaman nem Vir Chakra agütsütsü.
February ita nung Line of Control (LoC) anasa Indian Air Force nungi Abhinandan-i Pakistan nunger raraba tayimtsü F-16 khazüka yokba sülen Pakistan nungeri pua pa apu, saka tesülen chioka liasü.
Abhinandan Varthaman den Mirage-2000 fighter jets anir pilot temi Pakistan nung Khyber-Pakhtunkhwa province kübok Balakot nung JeM kiralongrartem indang camp ka maka liasü, aser parnok nema Vayu Sena medals agütsütsü.
Vir Chakra ya rara mapang tasütait mapa inyakba atema agütsüba India nunger highest military award tasembuba jenjang nung lir.
Linük Tir, Ram Nath Kovind-isa armed & paramilitary forces nem gallantry awards 132 aser Coast Guard sepaitem nem Tatrakshak medals 8 agütsütsü atema agizükogo.