Ballon d’Or sempet agütsübaren anenadoktsü akok

Zurich, September 16 (Agencies): Alima ajunga nung football asayar tajungtiba nem agütsüba nungtugu Ballon d’Or sempet taküm, 2016 tatemsüa agütsüba sülenbo iba sempet agütsüba mapatong anenadoktsüsa tang tensa ajurua lir.
FIFA-i kümshi agütüsba World Player of the Year sempet aser France Football (FF)-i agütsüba Ballon d’Or sempet loktepba sülen FIFA Ballon d’Or sempet ya 2010 küm nungi asayar tajungtiba nem agütsütsü tenzük.
Ajisüaka, FIFA aser FF na tsüngda agiba lokteptsü tezüngzüktep agienba ajanga iba nungtugu sempet ya tarutsü nung magütsütsüsa tang tensa ajurua lir.