BAN BUZZ tembangba sentong agitsü

Dimapur, December 13 (TYO) : Business Association of Nagas (BAN)-i December 14, 2015 aonung 7:00 ako nung Holy Cross lenjem nung BAN BUZZ tembangba sentong ayongzüka agitsü.
Iba sentong nung tongti tesemdangerji Commissioner of Police, Dimapur Liremo Lotha IPS alitsü aser Pastor Yambemo-i Khristmas osang abentsü.
Sentong nungsa Dr. Aotoshi, Advisor BAN-i tajungshi o jembitsü aser iba sülen telok aser kijatemi kentenba mapang agitsü.
Iba sentong nung nisung ajak arua adentsü pelashishia jaoker, ta Media Cell, BAN-i sangdong ka nung metetdaktsü.