BAN Executive senden sangdonger

Dimapur, August 11 (TYO) : Business Association of Nagas (BAN) Executive züngsem ajak dang BAN Ketdangpur aser Executive senden August 13, 2016 nü amentsü, ta iba sangdong ajanga metetdaktsür.
BAN Tir T.Murry-i, iba senden nung BAN Ketdangpur aser Executive züngsem ajak arua adentsüla. Kuli tejangja melii senden nung madenertem dak tapet inyaktsü. BAN Ketdangpur aser Executive züngsem ajak senteper, shilem asemsü lemer anasübosa (normal Quorum) senden nung adentsüla. Iba den külemi teti akhümtsübua aliba Advisor tema senden temer chiyongba sentong nung adentsü mepishir, ta sangdong nung shia lir.
Sangdong nungsa, Iba senden ya shia aliba anogo nung ADC court Junction nung ‘Anytime Fitness Gym’ tekadak Studio OURS nung nikongdang 3:30 ako nungi akatsü aser 5:30 ako nung chiyungba mapa alitsü, ta shia lir.