BAN-i aitsür; Saru magütsütsü ayongzüker

Dimapur, August 22 (TYO) : August 19, 2016 nü GPRN/NSCN (Unification) telok nungi Pitovi ta ser nisung kati saru atema Naga nunger shishilembar ka dak teka sangshiba kukua aitsür, ta Business Association of Nagas (BAN)-i sangdong ka nung metetdaktsü.
Naga nunger shishilembar anema inyakba mapa magizüker aser teti Naga Yimten telok balalai shishilembar dang nungi saru meshiba aser timtem agütsüba ajangshia arur, ta BAN sangdong nungsa shia lir.
BAN-i Naga Business Association Kohima (NBAK) den külemi takoksa ajurur den noktaker aser temeten mangu tashi yariteptsü. BAN-isa state sorkar aser district administration dang ozüng alema inyakertem aputsü aser ozüng tapet agi merenshitsü atema takhangba agütsür, ta Media Cell BAN sangdong nung metetdaktsü.
Nagaland nung alirtem lendong nungi kümzüka alitsüsa tensa bener arutsüla, aji ta mesüra Nagaland ya tamakok anguba state ka akümtsü, ta BAN-isa ashi.
Naga nunger shishilembartemi telok shinga nema saru magütsütsüla aser ‘sorkar ka saru ka’ telemtetba sülen anidaktsü mepishir, ta parnokisa ayongzük