BAN-i Concerned Citizens of Nagaland pusemer

Dimapur, May 12 (TYO): Concerned Citizens of Nagaland-i ajaayanga asen lima nung gari lenmang majungba atema tenzükba mapatongji Business Association of Nagas (BAN)-i pusema nungiter, kechiyong lenmang majungba aser jenjang aika indang gari alitenba den ki tulu yanglua alibaji medemdangra itemji lokti nung ochimashi temaitsütem lir, ta BAN, Media Cell-i sangdong ka ajanga metetdaktsü.
Concerns Citizens of Nagaland-i iba onük atema ola adoka ajaayanga Naga nunger ajak ajungtsü atema inyakba mapaji kanga tim, anungji BAN-i züngsem ajak aser Naga senso ajak dang tejakleni arua nüburtem atema inyakba mapatong ya nungittsü mepishir, ta kasa sangdong nung shia lir.