Ban o Obama na White House nung ajurutepogo

Washington, August 04 (Agencies): United Nations (UN) Secretary General, Ban Ki-moon aser US Tir, Barack Obama na White House nung tanü Mongolbar nü ajurutepa senden ka amenba osang jangjaogo.
“Ozü lenir, Ban aser Obama nati alima ajunga nung tsüngsang mupong balaka küma melenshitsü tenzükba aser Syria o Lebanon na nung rara tulu adoka nüburtem nem timtem toushi tulu bener arutsüba densema alima tesem balala nung ajurushiba lendongtsüdong den sentakba onüktem benoka jembiogo,” ta Ban’er otongdar kati metetdaktsü.
Ban o Obama nati tongti mapatong benoktsü tenzükba mapang ka nung tenati tanü ajuruteper lir.
Alima ajunga nung sensaka alibaren agientsü, tebur o tetsür na kasa jenjang nung benshitsü aser tarutsü mapang, 2030 tashi nung alima tsüngsang mupong balaka küma melenshibaren azüoktsü asoshi Ban-i UN nung züngsemba linük 193 prongla ajungmesotsü tenzüka lir.
US-i 2030 küm tashi nung mim aketba carbon dioxide tango tajemba adokdaktsütsü mapatong ka Obama-ia yashi Hombar nü tenzükba osang jangjaogo.