Bangkok nung bomb apoksang jenteter asütsü

Bangkok, August 23 (Agencies): Bangkok, Thailand nung bomb pokdakja nizung 20 poksetba nung temulung melemi alisang jenteter asütsü, ta police-i ashiba media ajanga metetdaktsü.
Police otongdar Prawut Thawornsiri-i, iba sangji tajentsü renema yur iba mapa mapang inyak asütsü, anungji lendong agütsüli pa Bangkok nungi jena ao asütsü, ta ashiba Bangkok Post ajanga metetdaktsü.
“Nibo pa jener alitsü südi ta mulung melemi bilemer, saka iba dak sentakba nung kari danga pa angu asü manguar ibaji metettsü atema onoki maneni bushisüngdangtsü,” ta paisa ashi.
August 17 nü iba bomb apokba sülen police temi ozüng alema benshirtem mita aoba maparen kanga sashia tenzükogo.
Iba improvised explosive device (IED) bomb ya Brahma statue anasa aliba Erawan Shrine nung Ratchaprasong waitep, Bangkok nung apokba ajanga nisung 20 asü aser 125 tashi yirua liasü.