Bangladesh HC-i taoba PM, Zia okadaki jaoker

Dhaka, August 05 (Agencies): Bangladesh High Court (HC)-i taoba Ato Kilonser, Khaleda Zia ita ana tsüngda nung okadaki arutsü ozüng tanü Bodhbar nü agütsüogo.
Zia-i Ato Kilonser menden abendang yangluba osettsüset rizünga ayudak ana yanglutsü maparen nung ochimashi inyakba ken o okadak la anema tang benoka lir.
O bendanger ana densemba okadak mendeni Zia-i la anema benokba ken o agientsü asoshi benokba onük tendanga reprangshiba sülen la anema benokba ken o angadangtsü nükjidong nung Zia okadaki arutsü tetuyuba ya tanü agütsü.
2001-2006 tsüngda Zia Bangladesh Ato Kilonser alidang ozüngi latetba ama meinyaki lai metetba company nem osettsüset ayudak yanglutsü temeten agütsü ta shia, la anema okadak ochimashi ken o ji benokba osang jangjaogo.
Ajisüaka, “Zia-i aibelena mali,” ta shia, la okadaki arutsü tuyubaji tanaben reprangshitsü onük okadak benoktsü renemba osang ka lar okatsürtemia metetdaktsüogo.