Bangladesh-i 2-1 agi Sri Lanka kokogo

Shillong, February 07 (Agencies): Tang asayaba South Asian Games (SAG) nung Bangladesh tettsür football team nungi arishi küm 14 tain, striker, Srimoti Krishnarani Sarkar-i lar telok asoshi goal ana yokba ajanga Deobarnü Jawaharlal Nehru Stadium nung tettsür football asaya nung Bangladesh-i 2-1 agi Sri Lanka madak takok nguogo.
Sarkar-i goal anaprongji asaya tanabuba tesadang nung agütsü aser iba ya parnoki Nepal den 0-3 agi tamakok anguba sülen mezüng takok angurba lir.
Iba asaya nung Sri Lanka nungi midfielder, P M Perera-i ball tajungka ajungkettsüba I. Liyanage goal yok ajisüaka refree-i ibaji offside ta shia iba goal ji magi.
Yamaji asaya arur külen asaya tanabuba tesadang minute 65buba nung Srimoti-i la tetsüng tabelenlen agi Bangaladesh atema mezüng goal metsüoktsü.
Ajisüaka iba goal yoker minute asem tsüngda nung Sri Lanka nungi R. Ekanayake-i tekolak agi goal ka tongokja kasasa aküm.
Iba sülen minute 85buba nung Srimoti-isa tanabuba goal agütsüba ajanga par teloki iba takok angu.
South Asian Games ya Srimoti atema international asaya nung mezüngbuba shilem agirba lir.