Bangladesh-i mepiba nung ajemdaker India-i ‘East Pakistan’ pillars agientsü

New Delhi, Mongputeni/October 10 (Agencies): Bangladesh-i mepishiba nung ajemdaker Central sorkar tetuyuba kübok Border Security Force (BSF) sepaitemi arrtsülen ‘East Pakistan’ den tongshitem agientsü.
Bangladesh-i India sorkar dang tongshi tasen azünger par linük tenüng zülutsü atema India dang tongshitem agientsü mepishia liasü.
Tongshi agientsü atema Centre-i melungogo aser sorkari BSF dang tongshitemji agientsü atema tuyuogo.
BSF tongti ketdangser kati, “Tongshitem agientsü atema Central sorkari tuyuogo. Mezüngbuba shilem nung tongshi 31 melentsü. Onoki Assam nung tongshi 13 agientsü aser tanüngba tongshi 18 ji Border Guards Bangladesh (BGB)-i agientsü,” ta metetdaktsü.
BSF mapaji India-Bangladesh arrtsü anüktsü aser patrolling senzütsü kija masü saka arrtsülen terenlok mapatem inyaktsüjia parnok khuret.
Tongshitemji Bangladesh nunger nüchiso mangudang azüngba tongshitem lir, aser tang tashi West Pakistan meyong liasü saka East Pakistan nunger indang ama züngshi.
East Pakistan-i nüchiso atema 1971 küm Pakistan den raraa liasü, iba sülen küm aika süir India den tongshi kar anünga alibaji parnok meyong ama züngshi.