Bangladesh nunger asem Guatemala nung kümzük

Guatemala City, January 03 (Agencies) : Bangladesh nunger asem den Ecuador nunger nisung 10 tashi Huehuetenango nung aliba Guatemalan jila nung nisüng puer ket nungi kümzüka lir, ta ketdangsertemi ashi.
Parnok puer aoertem jagi parnok chioktsü asoshi kinungertem dang sen dollar 24,000 meshi, ta Attorney General Office sangdong ka ajanga metetdaktsü.
Parnok kümzükba sülen police-i nisung puer parnok asem tashi pua arua lir.
Bangladesh nunger puer aoer rongnung ka indang kinungertemi New York ketdangsertem dang pa puer aoba metetdaktsüba sülen police-i nisung puer par asem ya apuba lir.
New York ketdangsertem nem osang agütsüsang jagi Huehuetenango nung aliba ki ka nungi pa dang sen meshia jembiba indang GPS dena police nem agüja liasü.