Bangladesh nunger shibelenertemi BSF jawan ana apu

Agartala, August 18 (Agencies) : Mongulbarnü Tripura arrtsülen Bangladesh nunger shibelenertemi India border guard ana pur ao, ta police-i metetdaktsü.
“Mongulbarnep patrolling aodang Border Security Force (BSF) jawan anati Bangladesh nunger shibelener kar meindok. BSF sepaitemi anüng nung injang khadoka parnok meindok saka shibelenertem jagi yimdaklir anir arua BSF jawan ana apu aser Bangladesh nunger lushii anir ao” ta Tripura police ketdangser kati ashi.
Iba tatalokba ya Sepahijala district kübok Balerdhepa nung atalok aser iba tesem ya Bangladesh kübok Comilla jila anasa lir.
Nisungpurtem jagi yirutsüba atema BSF jawan Mukesh Kumar aser Mir Islam na Comilla nung aliba army hospital nung anepaludar ta osang angazüker saka iba ya tejangja masü, ta Tripura police-isa ashi.
BSF ketdangsertemi Border Guard Bangladesh (BGB) den jawan anaji tekaratiba nung meyipa arutsü atema tongtepratepogo.
India kübok Northeast state Tripura-i Bangladesh den kilometre 856 agi arrtsüa lir.