Bangladesh Police-i Khaleda Zia’er office mit

Dhaka, May 20 (Agencies): Honibarnü Bangladesh police-i opposition lennir aser taoba Prime Minister Khaleda Zia indang office mita reprang.
Police-i Zia indang office nung linük anemba kulikakettem bushitep aser iba ajanga la pusemertemi lungkak aita liasü.
Dhaka kübok Gulshan kiyong nung tanep police tem arua BNP tanishir Zias indang office mita reprang saka parnoki kecha mangu ta osang metetdaktsüogo.
Parnok ket nung ‘search warrant’ liasü ta police-i ashir saka Bangladesh Nationalist Party-i ashiba agi police-i mejangjaba general diary ka amer Zia amokmerentsü merang.
Tanü Zia’er BNP züngsem noklang aikati lar office kima adenshir lungkak ait. Iba ya Awami League-i BNP anema inyakba mapa ka lir aser Zia timtemdaktsütsü atema dang liasü, ta BNP-i ashi.
“Iba office nung linük security dak kongshitsüsa taitsü aketba kuli bushitsü atema onok ket nung okadak nungi temelaba lir” ta Gulshan Police Station OC, Abu Bakar Siddique-i osangbener dang ashi.
Police-i Zia’er office mitba atema asüng linük ajungalen lungkak aitba sentong agitsü ta BNP aser parnok den yaritepertemi metetdaktsüogo.