Bangladesh tour atema Australia-i Sriram aaer

Melbourne, September 20 (Agencies): Bangladesh tour nung spin nüngdakba dak ajemdaker Australia-i tesüiba mapang India nunger all-rounder Sridharan Sriram spin coach ama aatsü lemtetogo.
Arishi küm 39 tain, tabelen agi spin ball aonsang, Sriram-i India asoshi One-Day Internationals (ODIs) ti asayatsüogo. Pa ya linük asaya nung kanga shisa kaa Maharashtra aser Tamil Nadu atema runs yanglur ka lir.
Indian Premier League (IPL) nunga pa item state indang assistant coach ama inyaka aruogo aser tawa India tour mapang Australia A atema coach süa liasü, ta Cricket Australia-i parnok website nung Deobar nung lemsatepa liasü.
Tarüba ita Australia o Bangladesh na Test series ana asyatsü sentong lir.
“Australia team den inyaktsüji kanga akümket mapa lir,” ta Sriram-i website ajanga Deobar nü ashi.