Bank ketdangsertem pur aoba ken o nung nisung 9 puogo

Agartala, December 4 (Agencies): Tripura Gramin Bank (TGB) ketdangsertem parnok pezü pur aoba ken o dak sendakba nung nisung teku puogo, aser parnok rongnung pezübo telungpur tem den sendaktepa aliba jangjaogo.
Osangbenertem den jembidang Tripura Director General of Police A K Sukla-i ashiba agi, “Onoki yashi district asem, Gomati, Khowai and West district meita ao, aser iba tatalokba dak sendaka aliba parnok teku puogo,”
Maneni parnok ket nungi police temi sen lakh 50 ngutetogo.
“Anepdang onoki tesem ana nungi sen1, 37,870 ngutet aser iba selen tepuoker tem dang ken o ashishiba sülen nikongtsütsü onoki sen 47,50,000 ngutet,” ta paisa metetdaktsü.
Sukla-i ashiba agi, parnoki iba ken o dak sendakba nung pua alirtem aser tenokdangba agütsür aliba telungpur telok ana All Tripura Tiger Force (ATTF) aser National Liberation Front of Tripura (NLFT) pur koda sendaktepa ali, aji tang tashi masadangteti lir.
TGB’s Branch Manager Tanumoy Bhattacharjee, 30, Sujit Chandra Dey, 28, Raktim Bhowmik, 31, aser Subrata Debbarma, 32, nunger November 24 nü Itanagar-i meyipa aruya aliba mapang nung pur ao, aser iba sülen hopta ka shi lir taoba Hokolbarnü parnok kidangi meyipa aruogo.