Barak FC 21 buba Classic Cup asayamong final-i iogo

Dimapur, November 17 (TYO): Defending champions, Barak Football Club teloki tanü, Mongolbar nü takok ngua tang tasayadak 21 buba Classic Cup asayamong final asayatsü jenjang nguogo.
Barak teloki tanü goal 1-0 agi Naga Football Club telok semifinal nung tsükdaktsü.
Par teloki tan agi tanabenbuba atema Classic Cup football asayamong final nung shilem agitsü jenjang angur lir.
Tanü asaya tenzüker minute 16 buba nung Nzauhut Nbung-i par Barak telok asoshi takokba goal agütsü.
Külem asayar, Mayosing Khongreiwa-i Naga telok defence line ajangdanga ball bener aluba sülen ball goalpost tsütsüleni metsüoktsü saka Naga goakeeper, Neithovilie Chalieu-i ball-ji tepdoka goal magütsüdaktsü.
Ajisüaka, Nbung-i ball-ji agizüka goalpost telungi yoka par telok nem takokba bener arutsü.
Tesülen, telok anaprongla nungi asayartemi kanga meranga asaya saka parnok kati danga goal magütsüteti asayaji tembang.
Tanü asaya nung Barak asayar, Mayosing Khongreiwa-i ‘Hero of the Match’ senpet sen 3000 aser Naga asayar, Alomei Panmei-i ‘Swift Movement of the Match’ senpet sen 25000 Retd. Director, Land Resource Development, Neise Mich ket nungi agizüka liasü.
Tanü mezüngbuba semifinal asaya nung Project Director, DRDA Kohima, Kevipodi Angami match patron liasü.
Ano külen, asüng, Bodbar nikongtsütsü 2:00 ako nungi tenzüka Head Hunters aser IGAR (N) telok na tsüngda tanabuba semifinal asayatsü renema lir.