Barcelona-i Roma telok akok; Messi-i Mapou dak tekolak agi atong

Barcelona, August 06 (Agencies): Barcelona teloki goal 3-0 agi Roma telok madak takok ngua yashi Bodbar nü asayaba friendly asaya nung Argentina nunger football asayar mongin, Lionel Messi-i pa mit mokokteti asayar ka dak tekolak agi tongokja raratepba osang jangjaogo.
Football asayar rong nung mit mashibo madoker ta alimai züngshisang, Messi-i Roma telok’er French international asayar, Mapou Yanga-Mbiwa dak tekolak agi yashi asaya mezügnbuba shilem nung tongoktsü.
Yamaji raratepba yong referee, Javier Estrada Fernandez-i Messi o Mapou naprongla artsü saka Messi nem red card temerenshibo magütsü.
Mezüngsüa 2005 küm nungi tenzüka football asayasang, Messi-i tanü tashi nung red card temerenshi ken dang agizüka lir aser pa asayadak nungi temaleni yoka merenshidanga mali.
Tesülen, Luis Suarez, Dani Alves aser Neymar nungeri yaritepa mezüngbuba goal agütsüba sülen Messi-i par telok asoshi tanabuba goal agüja par Barcelona telok goal 2-0 agi temaba jenjang nung ajungkettsü.
Asaya tanabuba shilem nung Ivan Rakitic-ia goal 1 agütsüba ajanga par Barcelona teloki goal 3-0 agi Roma telok madak takok angu.
Spanish league defending champions, Barcelona teloki 2015 Spanish league asayamong indang mezüngbuba asaya Athletic Bilbao telok den tan August ita 23 nü asayatsü lemzüka lir.