Barcelona-i UEFA Super Cup takok marok agizükogo

Tbilisi, August 12 (Agencies): FC Barcelona teloki goal 5-4 agi Sevilla telok madak takok ngua asayaba UEFA Super Cup football final asaya nung Lionel Messi-i best player naroküm yashi Mongolbar nü agizükogo.
Argentina nunger football asayar mongin, Messi-i yashi asaya mezüngbuba shilem nung free-kick metsütsü maongka anaben tashi ngua par Barcelona telok asoshi goal 2 tashi agütsü ta EFE osangi ashi.
Yashi asaya tenzüker minute 3 buba nung midfielder Ever Banega-i goal 1 agüja par Sevilla telok temaba jenjang nung ajungkettsü saka Messi-i minute 10 shi süir külen goal-ji meyiptsüba den külemi, maneni free-kick tanabuba takok ngua metsüba yong par Barcelona telok jenjang tajungba aküm.
Tesülen, Rafinha-i külem asayar Luis Suarez-i yanglutsüba cross ball agizüka par Barcelona telok asoshi tasembuba goal agütsü.
Suarez-ia asaya tanabuba shilem tetenzüklen par telok asoshi pezübuba goal agütsü.
Manchester United striker Pedro Rodriguez-i extra time nung, asaya tenzüker minute 115 buba nung par Barcelona telok asoshi pungobuba aser takokba goal agüja liasü.