Bareilly Ki Barfi August 18 nü sayatsü

Mumbai,June 10 (Agencies): Ashwiny Iyer Tiwari-i Direct asüba taruba film ‘Bareilly Ki Barfi’ koba July 21 nü sayatsü asoshi renemer liasü iba film August nungang sayatsü.
Iba film sayatsüba anogo August 18-i beneler tuogo, ta iba film otongdar-i ashi.
Bareilly Ki Barfi film ya romantic comedy ka lir aser iba film ya north India nung Bareilly yimti nung tangok.
Film nung Kriti Sanon, Ayushmann Khurrana aser Rajkummar Rao nunger-i tongti shilem agir aser Ashwiny kinungbo Nitesh Tiwari shibai nüngtugu film Dangal direct süa liasüi pai iba film otsü zülu.
“Iba film nung kü shilem ya asangurjanu mesükba shilem ka lir. La ya Bareilly nung alir saka la molungba dang inyaker,” ta Bareilly Ki Barfi Kriti film nung la indang shilem indang jembidang Kriti-i osangbenertem dang ashi.