BASN-i Miss Nagaland 2015 atema audition sentong sangdongogo

August 7 (TYO): Beauty & Aesthetics Society of Nagaland (BASN)-i, Miss Nagaland Pageant 2015 nung adentsü pur tendanga shimtetba sentong (audition) lapokogo, ta sangdong ka ajanga metetdaktsü.
District kübok Beauty Pageant acha ayangertemi küm shia district sasep nung tobur tajungtila shimba sentong takok ngua agiba sülen state pageant nung shilem agitsü asoshi yokba atema pelar, ta BASN-i kasa sangdong ajanga lemsatepa liasü.
Sangdong ajangasa ashiba agi, 2015 küm yabo Naga tsür tetedener ajak iba tetoktepba nung sadema shilem agitettsü asoshi maongka peria agütsütsü. Aji oda süaka BASN-i district shia nungi takok ngur arurtembo kecha tetsüdaktsü meli indang indanga state pageant nung shilem agidaktsütsü. District nung tanabuba jenjang angur nema state pageant atema Final Audition sentong nung shilem agitsü maongka agütsütsü.
Iba sentong nung shilem aginer ajak Naga senso tejangja asütsüla, December 31, 2015 nü arishi küm 18 nungi 25 tsüngda asütsüla aser tajemba agia tar feet 5.5 asütsüla.
Tejangrartemi teküpoklen agüja aliba nüngdakbatem basnkma@gmail.com ajanga yokangma:-
Name:
Height:
Vital Statistics:
Contact Details:
Residential Address:
Photograph: 1 close up , 1 full length .
Iba nüngdakbatem temunoba agia September 15, 2015 tashi nungbo tongtsütsüla, ta sangdong ajangasa metetdaktsü.
Preliminary Audition: September 26, 2015 nü agitsü.
Final Audition : khen lirang metetdaktsütsü.
Iba dak sentakba nung tongteprateptsü aser inyakyim kar jajashinüa lira basnkma@gmail.com mesüra 9436070419, 9862159298 aser 8974036522 phone number tem ajanga Hombar nungi Hokolbar tashi anepdang 10:00 akok nung nikongdang 6:00 tashi nung tongtepratep nung ajungtsü.
Iba den külemi telatetbatem kanga akhanga benshitsü.
Preliminary Audition nung ajaki shilem agitsüla.
Iba sülenji Final Audition nungbo Preliminary Audition nung shimtetter den temalen shia aliba ama district shia nungi tanabuba jenjang nung takok angurtem dang shilem agitsü. Tatemsa Final Audition nung shimteter tem ang Miss Nagaland Pageant 2015 nung shilem agitsü maongka angutsü.

Tesüiba mapang Miss Nagaland Pageant nung takok angur kari State atema konang aser tetushi bentsür aruba kar yamai:
Miss Nagaland 1989 – Lipokla – Miss North East 2nd runner up;
Miss Nagaland 1994 – Rachel Imchen – Miss East India 1995
Miss Nagaland 1997 – Vesakolu Mero – Miss North East 1998
Miss Nagaland 2000 – Akhuonuo Khezie – Miss Luit 2001 &
Sony My Miss India 2007
Miss Luit 2000 – Esther Jamir .
Miss Nagaland 2005 – Tiarenla Jamir – Miss North East 2006
Miss Nagaland 2013 – Benjongmenla
Miss Luit 2013 2nd runner up
Miss Nagaland 2013 2nd runner up – Dr. Abeny Khuvung – Femina Miss Universe Diva East region winner & Yamaha Fascino Kolkatta 14.