‘Batman’ actress Francine York süogo

Los Angeles, January 7 (Agencies) : Television sentong aser film 150 dak tema nung shilem agila, actress Francine York January 06, 2017 nü süogo. La arishi küm 80 liasü.
La Hokolbarnü Van Nuys, California nung asü. La tembar chijiba Pepper Jay-i, la cancer agi shiranga liasü, ta ashiba variety.com osang ajanga metetdaktsü.
York-i 1973 küm shilem agiba film “The Doll Squad” nung lai tapu ajak indang shilem agia lir. Lai iba film nung alien aser belly dancer shilem tem agia lir.
‘Batman’ film nung lai Lydia Limpet ama shilem agia lir. Lai “Bewitched”, “General Hospital”, “I Dream of Jeannie” aser “My Favorite Martian” film tem nunga shilem tilala agia lir.
York-i ano Elvis Presley dena “Tickle Me” film nung shilem agia lir. Lai tang tesüsa shilem agia aliba film temji Nicolas Cage den “Family Man”, “Hot in Cleveland” aser “Star Trek: Progeny” tem lir.
Ashiba agi la dak nungi jakzükba shinga lai anüng meyutsüi la iba lima nungi pila.