Bayern-i refugee tanurtem asoshi training camp 1 tentettsütsü

Munich, September 03 (Agencies): Germany nung tentetba tongti football telok, Bayern Munich-i refugee tanurtem asoshi football asayatsü terenemshiba agütsüdak ka tentettsütsü renemba den külemi, Europe-i tang ajurua aliba bendangertem arua jenokba maparen nung amshitsü asoshi teyari sen euro sen million 1 tenlaba osang jangjaogo.
Par teloki tentetba terenemshiba agütsüdak Germany oshi sayutsü, chiyongtsü agütsütsü aser football den sentakba osettsüset agütsütsü renema lir.
Ano, bendangertem arua jenokba maparen pusemer ta sayutsü nükjidong nung par teloki tan September ita 12 nü Augsburg den asayaba asaya tenzükdang Bayern asayartemi külen Germany nunger tanur aser ano, külen, Munich yimti nung jenokba refugee tanur anir asayadaki aitsü sentong renemogo.
Tan Mongolbar nü tashi nung pei linük toktsür Europe nung jenoka alitsüpur 2000 dak tema train ajanga Munich yimti tonga aoba osang bushiteta lir.