Bayern Munich-i Augsburg goal 6 agi akok

Berlin, April 1 (Agencies): Bundesliga asaya temaba jenjang nung aliba Bayern Munich teloki Augsburg 6-0 agi ajemshia kokogo. Lewandowsk-i hat-trick agütsüba ajanga parnok maneni point 13 agi tanabuba jenjang nung aliba RB Leipzig dang nung timba lir. RB Leipzig-i Honibarnü ponglang nung aliba club, Darmstadt 98 4-0 agi koka liasü.
Munich pur iba ita Champions League nung Real Madrid den asayatsüba lir. Parnoki Bundesliga punguben atonga akoktsüba asoshi ananung lir.
Lewandowski Borussia Dortmund nungi asayar Pierre-Emerick Aubameyang den goal timba agütsüba nung kasa kümogo. Pai tang tashi nung goal 24 agüja lir.
Asaya tenzüker minute 17 buba nung Thiago Alcantara ball agütsüba kanga junga agizüka Lewandowski-i Bayern pur asoshi mezüng goal agüja liasü.
Iba sülen Thomas Mueller-i minute 36 buba nung tanabuba goal agütsü. Asaya tanabuba shilem tenzüker minute 10 buba nung Lewandowski-i goal tasembuba agütsü aser iba sülen Thiago-ia goal ka agüja score 4-0 aküm. Asaya nung nung maneni Lewandowski goal ka agüja hat-trick ajung. Iba sülen goal 6buba Mueller-i agüja liasü. Iba takok ajanga Bayern pur point 65 kümogo.