Baywatch film ajanga takok mangutsüa akok: Pamela Anderson

August 17, 2015: Canadian-American actress Pamela Anderson-i, ‘Baywatch’ movie ajanga takok angutsüji lai mamangteter, ta shiogo.

Arishi küm 48 Pamela-i taoba mapang Baywatch series nung shilem agiba ajanga alima tesem ajungalen la nüngtugu aküm, ajisüaka iba film nung DWAYNE ‘THE ROCK’ JOHNSON aser Zac Efron nunger den külemi shilem agitsü asoshi lai arentaka bilemer.

TMZ den jembidang lai, “Tanaben yanglushibatem shingaia mesapur,” ta shiogo.

Iba TV show ajanga Pamela’er mapang nung takok tulu nguogo ajisüaka iba film yangluba ajanga takok mangutsü südi ta lai bilemer.

Taoba hopta Zac Efron-i, The Rock den külemi Baywatch film nung shilem agitsü asoshi yongyar ta shiogo.

Tawa Hollywood Reporter osang ajanga ashiba agi, iba feature film nung parnoki totzü ajanga takar akümba nisung ka ket nungi parnok tzüyimküm kümzüka ayutsü atema kanga süoki ia inyaktsü.

Arishi küm 27 Efron-i tesüsa R-rated comedy “Neighbors” nung shilem agia lir aser tang Baywatch nung shilem agitsü. Tarutsü nung maneni paisa “We Are Your Friends”, “Dirty Grandpa”, aser “Mike & Dave Need Wedding Dates” film tem nung shilem agitsü.