‘Baywatch’ reprangba sülen America-i ni sempatsü: Priyanka

New Delhi, September 20 (Agencies): Bollywood actress aser International kentener, Priyanka Chopra ya alima sabang tashi nung nüngtugu kümogo. Tawa lai Emmy 2016 awards nung süoshi temerem semer shilem agia liasü.
ABC indang popular television series ‘Quantico’ tanabuba season atema la renemshidar iba den külemi lai Hollywood project ‘Baywatch’ atemaa inyakdar.
Baywatch ‘Evil’ and ‘mean’ movie nung Priyanka-i Victoria Leeds ta ser nisung tamajunger ka shilem agitsü.
Iba dak sentakba nung Priyanka-i, “Ni kanga majung aser taochi maker ka shilem agitsü, ni memetet, saka (iba movie reprangba sülenbo) America-i ni sempatsü. Ni ibaji atangji ashir. Zac aser The Rock? Parnok atema ni kanga taochi maket tetsür ka amai adoktsü aser parnokjibo nüburtem champion aser nüburtem prince ama lir,” ta ashi.
Priyanka aser Dwayne Johnson na dak alia Zac Efron-ia tongti shilem agir.