BBBP kübok Tailoring Centre semzük

Wokha, June 03 (TYO): Tetsürtem atema mapa maongka adokdaktsütsü atema June 1, 2019 nü Wokha DC, Dr. Manazir Jeelani Samoon-i Police Point, Wokha nung tailoring centre ka semzüktsüogo.
Tailoring Centre semzüktsüba sentong nung jembidang DC-i, iba ama mapatong kübok sen aazüka taküm alitsü atema aiür aser tetsürtem atema maongka adokdaktsütsü, kechiyong iba centre nung parnok mapa nung anioktsü, ta metetdaktsü.
Paisa, iba centre nungi anguba income agi raw materials alizüka centre ulushitsü imlar, ta ashi.
Paisa, iba centre nungitba temaitsü District Administration-i iba building para ita trok indang sen agütsütsü, ta metetdaktsü.