BBC-i Davie Bowie Documentary Titled sangdongogo

Mongputeni/October 9, 2018 (Agenceis): Nüngtugu kentener David Bowie indang taküm otsü film tasembuba “The First Five Years,” jatsüba BBC-i sangdongogo, koba BBC Two nung taruba küm sayutsü.
David Bowie: The First Five Years ya David Bowie: Five Years aser David Bowie: The Last Five Years sülen tatemsa sayatsü. Iba film ana ya ka 2013 aser ka 2017 küm sayaa liasü. Film asemprongla ya Francis Whately-i direct süa produce süogo.
Film tasenba nung Bowie-i ‘Space Oddity’ sayaba sülen küm 50 tsüngda pa taküm nung atalokba indang sayutsü koba minute 90 asütsü. Film nungsa 1966-i David Jones-i pa tenüng David Bowie melenba aser pa Holst, Anthony Newley aser Tibetan Buddhism nunger nung jangraa akümba indang sayutsü.
Film indang highlights tem rongnung BBC Archives nungi kaktetba report tem, kong Yimpoksüi/November 1965 küm David Bowie and the Lower Third band BBC audition nung shilem agiba densema lir.
Maneni film nung Bowie indang first cousin, tembar tajung Kristina Amadeus den sensaksemba aser pa tatemsa interview agiba nung pa tetong aser muse Hermione Farthingale, Lindsay Kemp nunger den sensaksemba aser medemer o producer tem den sensak asemba angutsü.
Bowie indang nüngtugu ken tem rongnung Space Oddity aser The Man Who Sold the World nunger densema lir. Maneni iba film reprangertemi 1973 küm Bowie Siberia-i aoba dena angutsü.
Archive clip koba film nung inokja lir idakji Bowie-i ashiba agi, “ni taküm renloka aoba mapang tepeyong nisung ka akümtsü merangdang shilem aika melenshia aruogo. Ni ni ya David Bowie ama agizükdaktsünüa liasü.”
Iba Documentary ya BBC Two nung 2019 küm sayutsü.

You must be logged in to post a comment Login