BBC-i osangbenertem kümzüktsü mepishir

London,Metsüremi 12 (Agencies) : Iran nung aliba par osangbenertem taküm kümzüka ayutsü atema reprangdaktsüner, ta tanü Tentonü BBC-i United Nations dang mepishia metetdaktsüogo.
Parnoki ashiba agi, 2017 küm nungi tenzüka Iran nunger bangdak ketdangsertemi par osangbenertem tali merenshia arur.
“Onoki Iran nunger ketdangsertem dang ozü osangbenertem merenshiba anendaktsüner ta mepishia shiaka parnoki khenyongi senzüka toktsür asünung BBC-i United Nations dang Iran nungertem azüoktsü mepishitsü apusor,” ta BBC Director General Tony Hall-i osang ka metetdaktsüogo.
“Tesüiba küm teku tsüngda BBC Persian Service journalist-tem merenshibaji züindagi.”